семејство | ср.

Основна општествена единица што се состои од лица обединети со брак, крвно сродство или со усвојување и што претставува едно домаќинство; фамилија. Сиромашно семејство. Земјоделско семејство. Многучлено семејство.

семи- | претс.

Како прв дел од сложенки со значење пола, напола, полу семифинале, семипропустлив, семивалентност.

семилостив | прид.

Епитет на цар или господар, на Господ, на Бог ‒ што покажува голема милост. Семилостив царе. Семилостив Боже.

семинар | м.

Практични вежби за студенти по некој предмет или тема во виша или висока наставна установа. Семинар по македонски јазик.

семинарист | м.

Учесник на семинар. Семинаристите ја посетија Самоиловата тврдина.

семинарија | ж.

Образовна институција за теолошко образование; верско училиште.

семиолог | м.

Специјалист по семиологија.

семиологија | ж.

семиотика | ж.

Општа теорија за знаците, вклучувајќи ги и јазичните, и за симболичките системи, која го истражува односот на знаците спрема означеното, односно условите под кои еден знак може да се однесува на некој објект.

семитски | прид.

Што се однесува на Семитите. Семитски јазици.