симбол | м.
Сетилно восприемлив објект, писмен или звучен знак со кој конвенционално се означува некој поим, предмет или појава. Гулабот е симбол на мирот. Црвената боја е симбол на револуционерната борба. Соколот е симбол на смелоста, брзината, слободниот лет, а гавранот на злото. Јагнето е симбол на чистотата, на невиноста.
симболизам | м.
Изразување со помош на симболи; симболика.
симболизација | ж.
Прикажување со симболи некоја идеја, предмет, настан.
симболизира | св. и несв.
Прикаже, прикажува со симбол идеја, предмет, настан. Сечењето на борот симболизира скромно дарување на Божицата. Овенот кај голем број народи го симболизира светиот пламен и машката психофизичка моќ.
симболика | ж.
Претставување на идеи, поими или чувства со симболи.
симболист | м.
Приврзаник на симболизмот.
симболистички | прид.
Што се однесува на симболизам и на симболист. Симболистичка поезија. Симболистички атрибути.
симболичен | прид.
Што е симбол, што симболизира нешто. Симболично значење. Симболичен подарок. Симболична помош. Симболична цена.
симболички | прид.
символ | м.
Симбол. Символ на верата.
