скрибоман | м.
Човек што пишува многу и не многу критички.
скрибоманија | ж.
Појава на некритичко пишување литературни и други дела без поголема вредност.
скривалиште | ср.
Место каде што може нешто да се скрие; Во сокачињата бараше скривалиште. Ги остави парите во скривалиштето во ѕидот зад вратата. Скривалиштата личеа на колиби покриени со широки лопатести лисја.
скриви | св.
Направи нешто недозволено, што не е во согласност со нормите на однесување. Многу сум му скривил на татко ми. Што си скривил сега?
скривница | ж.
Место, изграден објект, засолниште во случај на војна или елементарна непогода. Атомска скривница. Подземна скривница од воздушни напади.
скрие | св.
Направи да биде незабележливо, невидливо, прикриено. Тој ја скри пушката во една грмушка. Таа го скри писмото во фиоката. Облаците го скрија сонцето. Старата го скри лицето со рацете и заплака.
скриен | прид.
Глаголска придавка од скрие (се). Беше скриен меѓу гредите.
скрипец 1 | м.
Направа за дигање тешки предмети, макара.
скрипец 2 | м.
Вид тревно растение; 1; Silene vulgaris.
скрипта | ж.
Предавања на професор умножени на фотокопир, компјутерски и сл., за потребите на студентите при полагање испит.
