смесник | м.
Мешано, помешано брашно.
смести | св.
Постави, прибере нешто на определено место. Стоката ја сместивме во магацинот. Тој ги смести јаболката од годинашнава берба во визбата.
смет | м.
Отпадоци што се фрлаат; ѓубре. Комунален смет. Канта за смет.
смета | несв.
Работи со броеви, пресметува со броеви. Детето научи да смета до сто. Тој смета напамет. Во стариот век разни народи го сметале времето на свој начин.
сметалка | ж.
Направа со дрвени или пластични зрна од која се учи сметање во подготвителната настава.
сметанка | ж.
Учебник по математика во почетните одделенија од наставата.
сметач | м.
Човек што умее добро да смета.
смете 1 | св.
Со метење отстрани смет, ѓубре. Снаата го смете ѓубрето од собата. Таа го смете дворот.
смете 2 | св.
Збуни, збрка некого. Со дополнителните прашања, учителката го смете детето.
сметен | прид.
Што е збркан, збунет. Сметен селанец. Питачот сметен стоеше со испружена рака.
