смешка се | несв.
Со насмевка изразува пријатни чувства, весело расположение кон нешто, задоволство поради нешто. Девојчето цело време се смешкаше. Среќно се смешкаше.
смешлив | прид.
Што е склон кон смеење, што е секогаш (или многу често) расположен за смеење. Смешливо суштество.
смешник | м.
Лице што ги засмева присутните, шегаџија.
смејач | м.
Оној што се смее. Некогаш беше голем смејач.
смеќа | ж.
Од мене нема никакви смеќи.
смеќава | несв.
Пречи. Никој не му смеќаваше да учи ако сака.
смие | св.
Отстрани со миење нешто што загадува. Дождот ќе ја смие сета нечистотија од воздухот. Ќе ја смие крвта од плочата.
смил | м.
Лековито растение со жолти ситни цветови, што расте на песокливи планински ливади; Helichrysum arenarium. Китка смил.
смили | св.
Направи да стане милостив. Белки ќе го смилиме бога да помогне.
смилица | ж.
Место со земја со боја на смил.
