соблекувална | ж.

Просторија за соблекување и облекување во јавни бањи, плажи, стадиони и др. На секоја плажа има по неколку соблекувални.

соблече | св.

а) Симне облека од себеси. Го соблече палтото. Ја соблече бундата. Ги соблече чевлите пред вратата. б) Симне облека од некого. Мајката го соблече детето. Му ги соблекоа чевлите и го внесоа внатре.

собор | м.

Заседание на членови на некоја организација, на црква, за разгледување на прашања од општествен или друг интерес. Народен собор. Црковен собор.

собора | несв.

соборен | прид.

соборец | м.

Другар во заедничка борба. Се сети на своите другари и соборци.

собори | св.

Со удар направи нешто да падне, турне, бутне. Ги собори книгите од полицата. Ја собори вазната од масата. Го собори дрвото.

собориште | ср.

Место каде што се собираат луѓето на собор. Нивното собориште беше на сред село.

соборски | прид.

Што се однесува на собор. Соборска седница. Соборски песни.

собрание | ср.

а) Општо заседание на членови на некоја организација, колектив за разгледување на определени прашања. Годишно собрание. Вонредно собрание. б) Учесниците на такво заседание. Собранието ја осуди неговата постапка.