сопре | св.

Запре, спречи некаков, процес, развој. Пожарникарите ја сопреа огнената стихија. Светската економска криза го сопре и економскиот развој на нашата земја.

сопруг | м.

Маж во однос на жената со која е во брак, брачен другар. Примерен сопруг. Покоен сопруг.

сопруга | ж.

Жена во однос на мажот со кој е во брак, брачна другарка. Верна сопруга. Момчето ја побара за сопруга. Двајцата браќа имаа млади сопруги.

сопружник | м.

сопруг.

сопружништво | ср.

Сопружнички однос, живот.

сопрушки | прид.

сопствен | прид.

Што се јавува како сопственост на некого. Сопствен имот. Сопствена куќа. Сопствени пари.

сопственик | м.

Тој што има некаква сопственост. Сопственик на вредна збирка слики. Сопственици на голем имот.

сопствеништво | ср.

сопственост | ж.

Имот што припаѓа лично некому. Лична сопственост.