стрем 2 | м.
Ледина што е длабоко изорана.
стремеж | м.
Силна желба, напор да се направи, да се постигне нешто. Стремеж за самостојност. Нагласен стремеж кон перфекција.
стремен | м.
Вид узенгија. Ја стави ногата во стременот и го јавна коњот
стремење | ср.
Длабока обработка на почвата. Најпогодно време за стремење со машини е крајот на летото и почетокот на есента. Рачното стремење овозможува да се отстранат плевелите.
стреми | несв.
За нива ‒ обработува, чисти, длабоко ја копа. Почвата од парцелата ја стреми за лозје.
стреми се | несв.
Се обидува со сите сили; цели кон нешто. Се стреми кон совршенството. Се стремат да успеат.
стрепери | св.
стрепет | м.
стрепети | св.
Почне да трепети, стрепери. Од грмушката стрепети едно пиленце. Тој стрепети од ненадејна радост.
стрепка | св.
Почне да трепка, затрепка. Стрепка со очите.
