туш 3 | м.
Краток церемонијален звук на труба.
туше | ср.
Зададен удар во мечување.
туши | несв.
Пушта воздух, издишува. Туши ја гумата од велосипедот, многу е напумпана.
тушира 1 | св. и несв.
Искапе, капе со туш. Мајката навечер го тушира детето.
тушира 2 | св. и несв.
Нацрта, црта или наслика, слика со туш. Неговиот другар тушира најдобро во класот.
туѓ | прид.
Што не е лично мој, што припаѓа на друг. Туѓ имот. Туѓ тутун. Туѓа челад. Туѓа среќа. Туѓи пари. Туѓи зборови. Туѓи маки.
туѓи се | несв.
Престанува да биде близок со некого, станува туѓ, се отуѓува. Тој се туѓи од мене, а не ја знам причината. Вие сте плашливи, недоверливи, од сите се туѓите.
туѓина | ж.
Други земји; странство. Далечна туѓина. Печалбар од туѓина. Поминал многу години во туѓина.
туѓинец | м.
Човек што не е државјанин, граѓанин на земјата во која се наоѓа; странец. Туѓинец, што не го разбира нашиот јазик. Градот е окупиран од туѓинци.
туѓински | прид.
Што се однесува на туѓина и туѓинец. Туѓински гроб. Туѓинска власт. Туѓински песни.
