тандем | м.
Возило со два или повеќе погонски механизми (двоколка, велосипед со два пара педали и две седишта и др.).
тандрка | несв.
Испушта испрекинати звуци на тропање, удирање при тркалање или движење по тврда, нерамна површина. Колата тандркаше по калдрмата.
танец | м.
Народен танц во кој играчите, најчесто фатени за раце, се движат во круг; оро. Женски танец. Таа ќе го води танецот.
Танзанија | м.
Држава во Африка.
танин | м.
Сложени органски соединенија од растително потекло со опор вкус што се користат во медицината и во кожарската индустрија.
танк | м.
Цистерна, базен, резервоар за течност. Танкови за вода.
танкер | м.
Товарен брод со вграден резервоар за превоз на течност (вода, течно гориво и сл.); брод-цистерна.
танко | прил.
Во танок слој, со помала дебелина. Парчињата леб ги исече танко. Танко намачка мармалад на палачинката и ја свитка.
танко- | претс.
Како прв дел од сложенки со значење дека тоа што е искажано во вториот дел од сложенката е танко: танковрат, танконог, танколик итн.
танковрат | прид.
Што е со танок врат. Танковрата жена.
