темноса се | св.

Стане темен, потемни. Се темноса во лицето од неспиење.

темност | ж.

темнота | ж.

темнотија | ж.

Темнина.

темпера | ж.

Минерални бои подготвени за сликање, нерастворливи во вода. Купив нови темпери. Темперите се засушени.

темперамент | м.

Целокупност од психички својства, карактерни црти на човекот кои го изразуваат начинот, силината и брзината на неговата умствена и емоционална реакција на внатрешни и надворешни дразби; нарав, карактер. Меланхоличен темперамент. Флегматичен темперамент. Иако имаат различен темперамент, добро се сложуваат. Творечки темперамент.

темпераментен | прид.

Што има жив темперамент, што е енергичен, страстен. Темпераментна жена. Таа е сталожена и мирна, но во некои моменти експлозивна и темпераментна. Меѓу нас имаше и погласни и потемпераментни.

температура | ж.

Степен на топлина на некое тело, степен на загреаност или топлина на воздухот или на некое тело. Металите се топат на различна температура. Високите температури предизвикуваат суша. Максимална температура.

температурен | прид.

Што се однесува на температура. Температурни промени. Температурна разлика.

темпира | св. и несв.

Намести, наместува запалка на експлозивна направа за да предизвика експлозија во определено време. Кој ќе ја темпира бомбата?