териер | м.
Ловечко куче што се кристи за лов на животни што живеат во дупки во земјата, во јами.
територија | ж.
Дел од копнена површина, од воздушно и водно пространство, со строго определени граници, во коишто се протега една држава; простор, област на една земја со определени граници.
територијален | прид.
Што се однесува на територија. Територијална поделба.
терк | м.
Образец, модел, калап. Тој работи по туѓ терк.
терлик | м.
Вид плетени или шиени волнени домашни обувки.
терма | ж.
Извор со топла вода; лековита топла бања.
термален | прид.
Што се однесува на топли изворски води. Термални извори. Термални бањи.
термика | ж.
Наука за топлината и за горењето.
термин | м.
Збор или израз што се користи како стручен назив за именување на определен поим во некоја научна област и во уметноста. Географски термини. Филозофски термин.
терминал | м.
а) Влезна или излезна станица, постојка во транспортниот сообраќај. б) Постојка за товарење и истовар на стоки.
