толку | прил.

Во таа мера, во таа количина, во тој број. Колку ќе тежи, толку ќе платиш. Колку учиш, толку знаеш. Колку лета, толку години.

толкува | несв.

Дава толкување, објаснува значење, смисла на нешто. Во речникот се толкуваат одделни зборови и изрази. Потеклото на зборот најдобро го толкуваат етимолозите. Тој произволно го толкува законот.

толкувач | м.

Тој што толкува нешто.

толкугодишен | прид.

Што има толку години, што трае толку години.

толкумина | прил.

За мажи или за мажи и жени во група ‒ во толкав број. Толкумина сме, ќе ја завршиме работата. Како толкумина други и тој замина од селото.

толкунѕа | прил.

толкунѕав | прид.

толкупати | прил.

Многу често. Толкупати раскажуваше за борбата.

толкуцка | прил.

Во таа мера, толку малку. Дај ми барем толкуцка да каснам.

толкуцкав | прид.