шурнеа | ж.
Жена на шура. Јас имам една шурнеа.
шурти | несв.
За течност (обично вода) – се излева насекаде со прскање. Водата шуртеше од сите страни.
шурува | несв.
Тајно се договара, соработува, подготвува нешто со некого. Тие шуруваа со нашите непријатели.
шустикла | ж.
Рачно изработена мрежеста ткаенина, тантела што служи за украс. Имаше неколку веленца и две шустикли изработени од бел конец.
шут 1 | м.
Забавувач, засмејувач, смешник; човек облечен во шарена облека што ги забавува другите со своите лудории, обично правејќи шеги на своја сметка; палјачо_2. Селски шут. Дворски шут.
шут 2 | м.
шут 3 | м.
Отпад, смет, крш, градежен материјал од урнатини. Шутот го отстранија веднаш. Неупотреблив шут.
шут | прид.
За рогато животно – што е со оштетени рогови или без нив. Шут елен. Шута коза. Шут вол.
шутак | м.
Горна памучна облека отворена кај вратот и без ракави. Бел шутак.
шутар | м.
Поткршен, скршен сад (грне, бардаче) – шут сад, шута посатка. Немаше филџан како што треба, само шутари. Ми даде кафе во еден шутар.
