Резултати за пребарувањето: а
таа 2 | зам.
Показна заменка за женски род еднина. а) Укажува на поим (лице, предмет) што е во непосредна близина на говорителот. Донеси ми ја таа книга да ја прочитам. б) Укажува на нешто што е веќе споменато, кажано од говорителот. Таа година беше надојдено езерото.
таи 2 | несв.
Тече, прокапува, пропушта влага.
тап | прид.
Што не е остар, што не сече добро. Тап нож. Тап брич.
тас | м.
Длабок метален сад со различна намена: а) Длабока метална чинија или метален сад за црпење вода. Црпеше вода со тасот и се поливаше. б) Метален сад на кантар. Го стави овошјето во едниот тас, а во другиот тас почна да реди од теговите. в) Послужавник во кој се оставаат парични прилози во црква. По службата оставаше неколку пари во тасот. г) Метален берберски сад. Држејќи го тасот со сапуницата стоеше покрај мајсторот кој бричеше еден муштерија.
тоа 1 | зам.
Лична заменка за трето лице еднина, среден род; го означува лицето или предметот за кој се зборува; Тоа не знае да ги почитува своите родители. Тоа е мојот живот.
мал | м.
Имот, имање.
лаг | м.
Мала шумичка. Срната избега во лагот.
кат 1 | м.
Место каде што се составуваат два ѕида во некаква просторија; агол 2. Тој се сврте и дури сега забележа оти во најтемниот кат седеше една баба. Во еден мрачен кат светеше сјаен автопортрет.
лад | м.
Дебела сенка или место каде што не се чувствува летната жештина. Седеше во ладот подалеку од другите и размислуваше.
кај | прил.
Како прашален збор: а) На кое место. Кај ти е синот? б) Во кој правец, во која насока. А ти, кај ќе одиш?
