декан | м.

Управник на факултет што се избира од редот на професорите и има мандат на определено време. Тој е избран за декан на филолошкиот факултет.

ланче | ср.

Дем. од ланец.

ларва | ж.

Почетен степен во развојот на некои инсекти и животни (комарец, пчела, пеперутка, некои риби итн.) што многу се разликува од возрасните примероци. Ловеше риби на ларви. Ларвите на бумбарите причинуваат огромни штети.

заака | св.

Одејќи, го изгуби, го згреши патот; заскита. Не знам каде сум заакал. Да си одевме по патот, немаше да заакаме.

замав | м.

Силно и енергично движење со крената рака, обично при удар или при фрлање. Со еден замав го фрли противникот во калта. Со брз замав го тргна јорганот.

блика | несв.

Тече, истекува, се разлева силно, во големо количество. Меѓу камењата блика чиста вода.Од носот му бликаше крв.

гради | и.

Преден дел на телото меѓу вратот и стомакот. Кошулата на градите му беше распетлана.

ласне | св.

ролја | ж.

Лик што се остварува во сценско дело (театарско, филмско, оперско, балетско); улога. Тој игра епизодни ролји. Таа ја игра главната ролја во новиот телевизиски серијал.

замае | св.

Забави, завртка, задржи некого. Сосетката ме замаја, та затоа задоцнив.