Резултати за пребарувањето: рт
сврти | св.
Заврти, измени положба на нешто или на некого, дел од телото (глава, лице, поглед и сл.). Докторот го сврте пациентот кон светлото. Тој ја сврте главата и виде како на ритчето се собираа жени. Таа го сврте лицето кон него со израз на преколнување. Возачот нагло ја сврте колата и одвај успеа да не удри во ѕидот. Таа го сврте огледалото кон светлината.
пртен | прид.
Што е од колчишта. Пртено платно.
кртул | м.
Планинска трева; Narduus stricta.
порта | ж.
Голема дворна (куќна) врата откај улицата. Тропна портата во дворот и тој излезе во тремот. Излегуваше често на порта и правеше муабет со жените.
мртов | прид.
Што не е веќе жив, умрен (за човек), пцовисан (за животно), овенат, сув (за растение). Мртов човек. Мртво тело. Мртва птица. Мртво дрво.
оцрта | св.
Наслика, нацрта, опише, претстави нешто во главни црти; покаже контури. Содржината на неговите книги се движи пак во оние рамки што ги оцртавме. Накратко ќе го оцртаме ликот на Пулевски. Во романот тој е оцртан како перфиден заводник.
кварт | м.
Дел од градот, градска четврт, реон. Таа живее во новиот кварт од градот.
сорта | ж.
а) Вид, подраздел во систематизација на растенија, на некои производи и сл. што се изделува од другите такви по некакви карактеристични својства, обележја. Разни сорти трпезно грозје. Сорта тутун за луле. Јаболка од сортата делишес. б) Вид растенија, производи и сл. добиени со вкрстување, одбирање и сл. заради подобрување на приносот, квалитетот, или задоволување на определени барања. Нови сорти пченица. Сорта пенливо вино. Скапи сорти цигари.
мирта | ж.
Вид зимзелено растение со ситни, бели, мирисливи цветови; Myrtos communis.
парта | ж.
Извезен преден горен дел од женска кошула на народната носија.
