менторство | ср.
Дејност на ментор. Под менторство на професорот се изработени многу магистерски и докторски дисертации.
менува | несв.
Прави да биде поинакво по содржина, по квалитет или изглед. Телевизијата секој месец ја менува програмата.
менувач | м.
Механичка направа во возилата за менување на брзините.
менувачка | ж.
Менување, промена.
менувачница | ж.
Место (објект, просторија, шалтер) каде што се разменуваат пари од разни валути.
менует | м.
Стар француски танц за двојки во тричетвртински такт.
Менхетен | м.
Остров во составот на Њујорк, САД.
мера 1 | ж.
Единица за определување на некоја големина (должина, ширина, површина и др.); мерка. Мера за должина.
мера 2 | ж.
Слободна земја оставена за пасиште.
мерак | м.
Силна желба, копнеж, страст за нешто. Голем мерак има да пее.2. Момче, љубовник, маж. Меракот си го чекаше.
