бришалка | ж.
Крпа за бришење, бришка. Белата бришалка ѝ е префрлена на рамото додека ги мие чиниите.
брише | несв.
Трие по одредена површина со одредена цел, чисти нешто од некоја површина. Таа ја бришеше правта од сликите.
бришка | изв.
Извик со кој некој се брка ‒ бегај. Бришка!
бришка | ж.
Крпа за бришење во кујната. Како со бришка помината куќата, нема ништо.
бриџ | м.
Вид игра со карти.
Бриџтаун | м.
Главен град на Барбадос.
брка | несв.
Гони, тера. Ловците и кучињата го бркаа волкот. Аскерот ги брка голораките селани по полето.
бркалка | ж.
Лажица со која се меша, се брка тоа што се готви; боравалка. Бркалката обично е поголема дрвена лажица.
брканица | ж.
Бркање, гонење воопшто. Опасната брканица по планината продолжува.
бркне | св.
Изгони, истера малку, еднаш.
