долупи | св.

Лупи, излупи до крај. Ги долупив компирите.

долупотпишан | прид.

Што е потпишан долу, под даден текст. Јас, долупотпишаниот, однапред го признавам моето дело. Ние, долупотпишаните, се плашиме дека со оваа постапка тој може негативно да влијае врз младите.

долути ми | св.

Почувствува лут вкус. Ми долути од пиперката.

долче | ср.

дом | м.

Куќа или стан како место за живеење; живеалиште. Тој чекореше кон својот дом. Тие добија нови домови и покуќнина.

дома | прил.

Во својот дом, в куќи. Имам работа дома. Татко му е дома. Оди си дома. Се враќаше дома кај своите. Дома нема никој.

домава | св.

Престане со мавањето. Домавал со прачката по грбот на магарето и седнал.

домазет | м.

Маж што по женидбата живее во куќата на родителите на својата жена. Се оженив и отидов домазет.

домазетство | ср.

Состојба на мажот што живее како домазет. Во нивната фамилија никогаш немало домазетство.

домазлак | м.