блејзер | м.
Лесно машко или женско спортско палто; сако.
блека | несв.
Блекаат јагнињата.
блекне | св.
За овца, јагне – испушти карактеристичен глас. Белото јагне блекна два-три пати.
бленда | ж.
Уред со кој се регулира количеството светлина што доаѓа низ објективот на фотографскиот апарат, микроскопот или рендгенскиот апарат.
блеска | несв.
Силно сјае, силно свети, одразува силна светлина, силен сјај. Августовското сонце блескаше. Во полутемнината блеска месечината. Блеска златниот медал. Езерото блеска со стаклест отсјај.
блескав | прид.
Што блеска, многу сјаен. Блескав сјај. Блескав ден. Блескав меч. Блескава светлина. Блескаво небо. Блескаво сечило. Блескаво сребро.
блескот | м.
Блесок, сјај. Силен блескот. Блескот од молња. Блескот од езерото. Блескотот на чистата река. Блескот од нож. Блескотот на хеленизмот.
блескотен | прид.
Што е со блескот, што блескоти. Блескотен водопад. Блескотни ѕвезди.
блескоти | несв.
Блеска, сјае. Сонцето блескоти по снегот. Силно блескоти површината на езерото. Блескотат кристалите.
блесне | св.
Наеднаш испушти силна светлина; силно светне. Блесна молња. Блесна сјај.Сонцето ќе блесне меѓу облаците. Блесна светлина од фарови. Градските светилки блеснаа.
