Волгоград | м.
Град во Јужна Русија.
волев | прид.
Што пројавува или изразува волја. Волев флуид. Волево реагирање. Волеви својства.
волен | прид.
Слободен. Волен момок. Волно ветарче. Волни летови.
волеј | м.
Удар на топката додека е во лет, пред да падне наземи (во тенис, фудбал и сл.). Ја смести топката во мрежата од волеј. Неговите волеи се силни и прецизни.
волк | м.
Диво крволочно животно од фамилијата на кучињата, со сивкаво крзно, кое во текот на зимата лови во глутница; Canis lupus. Уловен волк. Завиваа волци. Глутница волци.
волна | ж.
(само едн.) Густи влакна што го покриваат телото на некои животни (овци, камили и сл.). Го галеше јагнето по меката волна. Ги вардеше овците да не си ја оскубат волната низ шипјето.
волнав | прид.
Што е обрастен со волна, што има многу волна. Нашите овци се волнави.
волнар | м.
Лице што тргува со волна. Волнарите ја откупија целата волна од селаните.
волнарница | ж.
Работилница за преработка на волна или продавница за волна. Работата во волнарницата добро му одеше.
волнарство | ср.
Вид дејност или индустриска гранка за преработка на волна. Пред неколку години волнарството беше мошне развиено.
