вегетира | несв.
(бот.) Расте, живее. Тука успешно вегетираат различни растенија.
веда | ж.
Молња, молскавица, секавица. Негде молсна веда, а потоа се слушна далечен татнеж.
ведар | прид.
Што е јасен, без облаци, чист. Денот беше ведар и уште од изутрина топол. Ноќта беше ведра, полна со месечина.
ведарница | ж.
Место каде што се ведат, се квачат пилиња.
веде | несв.
За птици – квачи, расплодува. Квачката ги веде пилците.
ведета | ж.
Позната, славна филмска или театарска актерка.
веднаш | прил.
а) Во овој час, во овој момент. Не можеше веднаш да се реши да оди кај него иако неговите очи го викаа. б) Многу брзо, наскоро. Неговиот дедо веднаш по ослободувањето се пресели в град.
ведне | несв.
Витка на некоја страна, наведнува. Двете кози од старецот ги веднеа гранките и им ги лупеа корите.
ведреница | ж.
Вид на чаша во форма на ведро.
ведри | несв.
Прави да биде ведар. Ветрот го ведреше небото.
