визен | прид.
Што се однесува на виза. Визен режим.
Визигот | м.
Припадник на древно германско племе.
визионер | м.
Тој што може да ги предвиди случувањата, видовит човек. Тој е визионер, човек на иднината.
визионерство | ср.
Способност да се гледа во иднината. Неговото визионерство се преточува во реалност.
визир | м.
(истор.) Дел од шлемот што се става преку очите, подвижна решетка, штитник. Ги спуштија визирите и тргнаа во напад.
визира 1 | св. и несв.
Стави, става виза на пасош, на патна исправа. Нашите пасоши ги визира грчкиот конзулат во Скопје.
визира 2 | св. и несв.
Насочува, управува поглед во определен предмет, зема на око, опсервира определен предмет или појава. Уметникот го визираше со моливот својот модел. Астрономите (со најмодерни инструменти) го визираа соѕвездието Лира.
визита | ж.
Посета, одење на гости. Тој ги покани на визита, на кафе. Вечер одеше во проштална визита кај вујковците.
визитација | ж.
Посета, смотра, преглед, особено на состојбата во која се наоѓа некоја установа. Дошол еднаш во селото и владиката од Битола во канонска визитација.
визитен | прид.
Што е наменет за визити, што се однесува на визита. Ги прими во визитната одаја. Визитната картичка ја предаде на жената што му ја отвори вратата.
