вложувач | м.
Тој што вложува, обично пари, средства и сл.
влоши | св.
Направи да биде лош, полош од порано (за состојба, положба, однос итн.). Војната ја влоши економската ситуација. Пиењето му го влоши здравјето.
влошка | ж.
Тоа што се вложува, што се вметнува негде. Хигиенски влошки. Ортопедски влошки.
Влтава | ж.
Река во Чешка.
вљубен | прид.
Тој што се вљубил, што е обземен од љубов кон некого или кон нешто. Двајца млади вљубени седеа на кејот.
вљубеник | м.
Тој што е вљубен, во некого или во нешто. Вљубеник во добриот збор.
вљуби се | св.
Се заљуби, пројави љубов кон некого, засака некого. Се вљубиле и се зеле. Се вљуби на прв поглед.
вметне | св.
Стави нешто внатре или помеѓу нешто; дополнително внесе, додаде. Авторот на студијата вметнал неколку познати цитати. На ова место ќе вметнеме апликации од кожа.
вмеша | св.
Натера некого да се вклучи во нешто, во некое дејство, чин, настан. Претседателот беше вмешал поголем број влијателни граѓани во својата предизборна игра.
внатре | прил.
За правец ‒ кон внатрешноста на нешто. Влеговме внатре во дуќанот.
