Занзибар | м.
Танзаниски остров во Индиски Океан.
заниже | св.
Почне да ниже. Го занижавме тутунот.
занимава | несв.
Задржува нечие внимание. Тој ги занимава старите, им чита весници.
занимална | ж.
Просторија каде што престојуваат деца од предучилишна возраст, каде што се занимаваат со разни активности. По појадокот, децата отидоа во занималната.
занимација | ж.
Забава, разонода. Играше карти заради занимација.
занимање | ср.
Професија, позив, струка. Тој е ковач по занимање. Јас немам определено занимање.
занимлив | прид.
Што побудува интерес, што предизвикува внимание; интересен. Занимлива книга. Занимливо истражување.
заниша | св.
Почне да ниша; залула. Таа го заниша детето в раце. Девојчето ја заниша лулката во која лежеше бебето. Тој одречно заниша со главата.
заноктица | ж.
Кожата околу нокотот, на коренот од нокотот. Од заноктиците му течеше крв.
заноси | св.
Почне да носи, да има нешто кај себе, на себе. Дури сега го заносив новиот костум.
