занимална | ж.
Просторија каде што престојуваат деца од предучилишна возраст, каде што се занимаваат со разни активности. По појадокот, децата отидоа во занималната.
занимање | ср.
Професија, позив, струка. Тој е ковач по занимање. Јас немам определено занимање.
занимација | ж.
Забава, разонода. Играше карти заради занимација.
занимлив | прид.
Што побудува интерес, што предизвикува внимание; интересен. Занимлива книга. Занимливо истражување.
заниша | св.
Почне да ниша; залула. Таа го заниша детето в раце. Девојчето ја заниша лулката во која лежеше бебето. Тој одречно заниша со главата.
заноќева | св.
Остане некаде преку ноќ, се затекне некаде кога настапи ноќ и таму преноќи. Тие заноќеваа во една овчарска колиба.
заноќи | св.
безл. а) се заноќи. Надвор заноќи. б) Ме (те, го...) фати ноќ. Ме заноќи додека дојдов.
заноктица | ж.
Кожата околу нокотот, на коренот од нокотот. Од заноктиците му течеше крв.
заноси | св.
Почне да носи, да има нешто кај себе, на себе. Дури сега го заносив новиот костум.
занурка (се) | св.
Почне да (се) нурка; (се). Децата (се) зануркаа во езерската вода.
