запари 2 | св.
Почне да пржи, да пече (во грло, во уста). Ракијата ме запари во грлото.
запасе | св.
За животни – почне да пасе. Коњите запасоа покрај патот.
запат | м.
Животно за приплод. Од стадото одделија неколку запати.
запати | св.
За животни – почне да одгледува; размножи, расплоди. Запатија кокошки несилки.
запати се | св.
Се упати, тргне некаде. Тој се запати кон шумата.
запатка | св.
За дете – почне да патка, да оди, прооди. Девојчето ми запатка точно на годината.
запаше | св.
Врзе, стави нешто околу половината; опаше. Таа си го запаша скутникот и се фати за работа.
запашка | св.
Почне да пашка; пашка. Ги запашкавме арамиите по планината.
запаѓа 1 | св.
Почне да паѓа едно по друго. Запаѓаа крупни капки дожд.
запаѓа 2 | несв.
Пропаѓа, осиромашува. Тој запаѓаше од ден на ден сè повеќе.
