здрув | м.
Движење што го прави оној што игра во оро кога ќе клекне.
здрувне | св.
Направи здрув.
здружен | прид.
Што е поврзан, зближен, обединет. Здружена опозиција. Здружени сили.
здружение | ср.
Група или поголем број луѓе, организација формирана врз основа на заеднички интереси и цели. Здружение на возачите. Здружение на пензионерите.
здружи | св.
а) Обедини, организира во група, здружение, сојуз. Заедничкиот интерес ги здружи. б) Спои, доближи едно до друго. Исправи ја раката и здружи ги прстите.
здува | св.
Одненадеж почне да дува; дува 1, 2. Здува силен ветар.
здувне | св.
Побегне, веднаш исчезне; Го пуштија условно, а тој ја здувна преку граница.
здупи | св.
За коњ – збодне со мамузи. Го здупи коњот за да стаса побрзо.
здуши | св.
Направи да се спријатели, да не чувствува некого како непријател, како туѓ.
зебло | ср.
Вид груба ткаенина (за вреќи и сл.). И двајцата беа облечени во некаква облека од зебло.
