замириса | св.
Почне да пушта мирис. Пред нив замирисаа капини. Замириса на барут.
замисла | ж.
Тоа што е замислено, смислено да се направи; идеја, намера, план за некаква работа. Основна замисла. Тајна замисла. Уметничка замисла.
замислен | прид.
Што е потонат во мисли; загрижен. Замислени луѓе.
замисли | св.
Натера да мисли, стави некого на мисла; загрижи. Вчерашниот разговор го замисли момчето.
замјаука | св.
Почне да мјаука. На вратата замјаука маче.
замк | м.
Лепило од смола. Ги залепи опинците со замк.
замка | ж.
Направа за фаќање диви животни; стапица. Лисицата се фати во замката.
замласка | св.
Почне да мласка (со устата). Тој замласка при јадењето.
замлачи | св.
Направи да биде млако, затопли, стопли малку. Таа го замлачи млекото и му го даде на детето.
заможен | прид.
Што има доволно за живот, што е материјално обезбеден, осигурен. Заможен трговец. Заможно семејство.
