леарница | ж.
Работилница или фабрика каде што се лее. Леарница за печатарски букви.
леарство | ср.
Занает, професија на леарот. Долги години се занимаваше со леарство.
леб | м.
Основен прехранбен производ што се меси од брашно (пченично, пченкарно, 'ржено итн.) и потоа се пече. Бел леб. Црн леб. Парче леб. Домашен леб.
лебами | мод.
Како заколнување: жими лебот, жити лебот
лебар | м.
Тој што пече и продава леб; пекар.
лебарка 2 | ж.
Вид црн, крупен инсект што бега од светлина и излегува ноќе, а се храни со отпадоци од храна; Blatta orientalis. Собата беше неуредна и полна со лебарки.
лебарник | м.
Место каде што се чува леб. Го извади лебот од лебарникот.
лебарница | ж.
Продавница за леб.
лебди | несв.
Плови на површината на некоја течност или во воздухот зашто е полесен, не потонува, ниту паѓа. Чамчето лебдеше на брановите. Птицата лебдеше на ветрот.
лебед | м.
Бела, црна или сива пловна птица со долг врат, со жолт или со црн клун; живее во парови; Cygnus. Јато бели лебеди.
