наружа | св.

Дотера, нагизди, накити некого, нешто.

наруча | св.

Даде некому да руча, даде ручек. Им меси пита и убаво ги наруча децата.

наруши | св.

Прекине, попречи определена состојба што траела. Ја наруши рамнотежата на силите. Ја наруши тишината. Го наруши мирот.

нарушител | м.

Тој што нарушил некакви правила, закон и сл.

нарушувач | м.

нарцис | м.

Украсно растение со луковичав корен и со бели или жолти цветови со пријатен мирис; Narcissus L.

нарцисоиден | прид.

Заљубен во себеси, самовљубен. Нарцисоидна девојка.

нас | зам.

Долга форма за директен предмет и општа форма од ние; кога не е со предлог, освен во извесни ретки случаи, оди заедно со кратката форма нè; Кај нас се собраа сите. Остани со нас. Нас нè повикаа да сведочиме. Прво ќе ве почести вас, а после и нас.

насад | м.

Површина на која се насадени растенија. Лозови насади. Овошни насади.

насади | св.

За растение, дрво – изврши садење. Насади компири. Насади тутун. Насади лозје. Насади круша. Насади липа.