настап | м.
Силно, нагло надоаѓање, појава на нешто (болест, расположение, војски и др.). Настап на лудило.
настапи 1 | св.
Стапне, згазне на нешто, нагази. Внимаваше да не го настапи босиот до него. Му се стори како да настапил змија.
настапи 2 | св.
За време – дојде, започне. Настапи долгото топло лето. Настапија студени, дождливи есенски денови. Настапија долгите зимски ноќи.
настаса | св.
Стигне, пристигне во одење, при движење. Сакаше да ме настаса, ама не можеше.
настега | св.
Со стегање, притискање направи во мал простор да собере нешто во поголемо количество. Ги настега кошовите со тутун. Сè што му требаше сакаше да настега во куферот.
настигне | св.
Стигне, пристигне некого во одење, при движење. Таа кола никој не може да ја настигне. Им реков дека ќе тргнам по нив и ќе ги настигнам.
настин | м.
настине | св.
Се разболе од настинка, добие настинка.
настинка | ж.
Често заболување поради достудување; настинување. Лесна настинка. Пролетни настинки.
настиска | св.
Со стискање смести нешто во што поголемо количество, настега, нагнете. Го настиска сеното во вреќата и ја крена на грб.
