подобен | прид.
Што е способен, погоден за некоја работа. Тој е подобен за таа работа.
подоблече | св.
Облече некого малку подобро. Подоблечи го детето да не настине.
подоближи | св.
Доближи нешто малку или уште малку. Подоближи го столчето малку поблиску до огнот.
подобри | св.
Прави да стане нешто подобро; Новиот снег ќе ја подобри влажноста на почвата. Инспекциските служби значително ја подобрија контролата на производите.
пододбор | м.
Посебен дел од одбор
пододдел | м.
Посебен дел од оддел во установа, од книга и сл. При користењето се означува припадноста на текстот кон литературата или кон некој од нејзините пододдели.
пододмори | св.
Одмори малку, во некоја мера. Аргатите пододморија малку во сенката и пак продолжија да копат.
подозира | несв.
Има, изразува подозрение во некого или во нешто. Никој не подозираше дека ќе се случи тоа.
подозрение | ср.
Претпоставка, сомневање дека има или дека е извршено нешто лошо, нечесно, незаконито. Тој гледаше со подозрение на нив. Селаните ја пресретнаа со извесно сомнение, дури и подозрение. Магловитите подозренија во главата на старецот добиваа одредена смисла.
подозрив | прид.
Што предизвикува подозрение. Подозрив поглед.
