поста | ж.
Простор што го зафаќа еден жетвар при жнеењето, ожниен ред од жито. До пладне ќе ожнеат дваесет пости.
постава 1 | ж.
Ткаенина или кожа со која е поставена внатрешната страна на облека, обувки, прекривка и сл. Носеше палто со волнена постава. Свилена постава.
постава 2 | ж.
Состав од играчи, натпреварувачи што се на теренот, во игра. Настапија со првата постава.
постава (се) | несв.
поставен | прид.
Што е обложен со постава. Здолниште поставено со сатен.
постави 1 | св.
Стави нешто на определено место или во определена положба. Во каналот поставија жица за електрика.
постави 2 | св.
Стави, обложи со постава облека, обувки и сл. Палтото беше поставено со волнена постава.
поставка | ж.
Тврдење, формулирана мисла што се изнесува како став. Сеедно од која поставка ќе тргнеме, тешко ќе се определиме за која и да е дефиниција за поезијата. Теоретска поставка.
постамент | м.
Основа (од бетон, камен, мермер и сл.) врз која е поставен споменик, столб, статуа, биста. Бистата е поставена врз мермерен постамент.
постанат | прид.
Изнемоштен, премален, изморен. Постанатите патници паѓаа по пат.
