провреска | св.
Повреска кратко време; повреска малку. Жените проврескаа, нешто се случи.
проврие | св.
Почне да врие. Кога ќе проврие водата, се додава зеленчукот.
проврне | св.
Врне дожд, снег кратко време. Проврна, ама не засвежи.
проврти | св.
Направи дупка во нешто со вртење. Проврте една дупка на бастунот.
провртка се | св.
Се вртка непотребно некаде, кратко време. Дојде дома, се провртка малку и пак излезе.
прогимназија | ж.
Неполна гимназија (3 - 4 годишна) во однос на гимназиското образование од осум класа, по четиригодишното основно образование. Тој, четирите одделенија и прогимназија завршува во родниот град.
прогимназијален | прид.
Што се однесува на прогимназија. Прогимназијално образование.
проглас | м.
Писмено или усно јавно известување; објава; прокламација.
прогласи | св.
Објави, соопшти нешто. Претседателот прогласи вонредна состојба.
прогледа | св.
а) Почне да гледа по раѓање. Мачињата веќе прогледале. б) Почне пак да гледа, се врати видот некому. По операцијата на очите, прогледал.
