расплапоти се | св.
(разг.) Почне да зборува многу, да брбори, да дрдори, раздрдори; плапоти. Група девојчиња се расплапотиле под прозорецот.
распласка се | св.
Почне да пласка зачестено, засилено, да удира произведувајќи специфичен звук. Таа се распласкала со рацете. Птицата се распласка со крилјата. Детето се распласкало со устата.
расплата | ж.
Пресметка, одмазда, расчистување сметки и долгови од различен вид. Еден ден ќе дојде времето за расплата.
расплати се | св.
Плати парични сметки, исплати, се ослободи од долг, заем и сл. По една година тој се расплати и никому веќе не должеше. Тие се расплатија и секој тргна по својот пат.
расплаче | св.
Направи некој да почне да плаче. Таа ги расплака присутните. Тој прво ќе ги расплаче децата, а потоа ги задева.
расплеска | св.
Почне да плеска зачестено, засилено, да удира по нешто да стане пошироко. Таа го расплеска лебот.
расплет | м.
Расчистување, размрсување на нешто, разврска. Таа го очекуваше расплетот од целата ова необична ситуација.
расплете | св.
Растури нешто сплетено. Таа го расплете волнениот шал. Тој ги расплете јажињата.
расплетка | св.
Отплетка, одмрси нешто заплеткано, замрсено. Тој ги отплетка конците.
расплива се | св.
а) Почне да плива повеќе или уште повеќе. Децата се распливаа. Гумените играчки се распливаа по водата. Куќите се распливаа во вода. б) Со вежбање постигне добро, сигурно владеење во пливањето, се подготви, се загрее за пливачки натпревар. Половина час пред натпреварот пливачите се распливаа.
