раздрдори се | св.

Почне многу да дрдори, да зборува. Што си се раздрдорила, седни да работиш.

раздрмоли | св.

Расклати, разниша, раздвижи. Силниот удар на тупаницата му го раздрмоли забот.

раздрнда се | св.

Почне многу да дрнда. Се раздрнда на дрндалото и набрзо сета волна беше растресена.

раздрнка | св.

Направи нешто силно да клопоти, да испушта клопот. Ги раздрнкаа машините и настана силна бучава.

раздробен | прид.

Што е искршен, иситнет на помали делови. Раздробен камен.

раздроби | св.

Искрши, разбие на ситни парчиња; иситни. По некое време успеа да ја раздроби карпата.

раздрпа | св.

Со тегнење, влечење искине. Толку силно го повлече што му ја раздрпа кошулата.

раздружи | св.

Прекине политички, економски, деловни и сл. врски; раздели, разедини.

раздрум | м.

раздруса (се) | св.