размав | м.
Силен замав, широчина на развој, обем, размер; засиленост на некоја активност, дејност или движење. Размавот на економијата се движи со засилено темпо. Творечки размав. Полн размав на нејзиниот глас.
размава 1 | несв.
Прави широки движења со рацете или со нешто друго; размавнува. Кога зборува, размава со рацете. Не размавај со стапот, ќе удриш некого.
размава 2 | несв.
Мава, удира на различни страни по некого или со нешто многу, засилено. Кога ќе се налути, размава со различни предмети по децата. Тој се налути и ги размава децата и жената.
размавне | св.
Направи силно, широко движење со рацете или со нешто; Ако размавне, сè ќе истурка. Размавна отсечно со раката и ги преврте чашите.
размавта | св.
Почне да мавта со раце или со нешто друго;
размагнетизира | св. и несв.
Престане, престанува да има моќ на магнет, престане, престанува да привлекува;
размати | св.
Направи нешто да биде матно со мешање, со матење. Таа ја размати водата во вирот.
размачка | св.
Со мачкање стави тенок слој, разнесе нешто по некоја површина. Таа го размачка маргаринот врз парчето леб.
размајтапен | прид.
Што сака да прави мајтап, да се мајтапи повеќе или уште повеќе. Размајтапено момче. Размајтапена младина.
размајтапи се | св.
Се подбие, се потсмее, направи шега, мајтап повеќе или уште повеќе. Младите момчиња се размајтапија.
