скисели | св.

Направи нешто да стане кисело. Оваа година не скиселивме краставички за зимница. Тој скиселува зелка секоја година.

скиснат | прид.

Глаголска придавка од скисне.

скисне (се) | св.

а) За тесто ‒ нарасне под дејство на квасец. Лебот скиснал, втасал за печење. б) За храна ‒ се скисели, добие лош вкус, се расипе. Гравот скиснал. Манџата се скиснала.

скита | несв.

Оди без цел од едно место до друго; безделничи. Тоа лето тие скитаа по манастирите. Бесцелно скиташе по улиците.

скиталец | м.

скитач | м.

Тој што постојано скита; скитник, скиталец. Стана скитач со празна торба на рамото.

скитне | св.

Скита малку, во ограничена мера. Еден ден скитна низ планината и донесе мало мече.

скитник | м.

Човек што не се задржува долго на едно место, без постојано живеалиште; скитач, скиталец. Вечен скитник. Скитник и безделник. Витез скитник. Бегајќи од војната станавме скитници.

скитништво | ср.

Скитнички живот, скитање. По толку години скитништво и бездомен живот, научи како да преживее.

скиф | м.

Лесен тесен чун за еден возач; дисциплина во веслачкиот спорт. Натпревар во скиф.