чат-пат | прил.
Понекогаш, одвреме-навреме; по нешто, по малку. Наминува чат-пат. Чат-пат вадам по некоја пара, нема работа. Чат-пат разбирам по некој збор.
чаура | ж.
(бот., зоол.) Обвивка кај некои организми или нивни органи.
чауш | м.
(истор.) Подофицерски чин во турската војска. Чаушот нареди да се сардиса куќата од сите страни.
Чачак | м.
Град во Србија.
чачорка | ж.
Жена што многу зборува, многу се кара; кавгаџика.
чаша | ж.
Сад за пиење течност, најчесто од стакло, пластика и др. Винска чаша. Ракиена чаша. Чаша за чај.
чашка | ж.
Дем. од чаша. Чашка ракија.
чашурка | ж.
чај | м.
(бот.) Тропско или суптропско растение од чии листови се подготвува чај; Camellia sinensis; Thea chinensis. Плантажи чај.
чајанка | ж.
Забава на која се служи чај.
