доведеник | м.
Дете донесено од претходниот брак.
довее | св.
Заврши со веењето, чистењето на житото од плева. Тие го довеаја житото со лопати.
довезе 1 | св.
Заврши со везењето. Девојката го довезе перничето.
довезе 2 | св.
Донесе, доведе некого или нешто со помош на превозно средство. По вечерата тој ја довезе дома со својот автомобил. Стоката ја довезовме со голем камион.
довек | прил.
Отсега засекогаш, непрекинато. Јас би те чекала довека. Тој не мисли довек да биде роб. Нема ни ова да биде вака довека
доверба | ж.
Верба, сигурност, увереност во искреноста, чесноста, добронамерноста на некого, во неговите способности и стручност. Некои се плашат затоа што немаат никаква доверба во никого, освен во себеси. Страхуваше многу затоа што имаше изгубено доверба.
доверен | прид.
доверлив_2
довереник | м.
Лице што е задолжено со определена задача. Тој беше главен везиров довереник за градењето на мостот.
довери | св.
Задолжи некого со определена задача или функција. Ќе ја прифатам секоја партиска работа што ќе ми ја доверат.
доверител | м.
Заемодавач, кредитор. Тројцата доверители од банката ги предадоа своите меници.
