егзекутор | м.
Извршител на смртна казна, џелат. Егзекуторот беше покриен со црна ќулавка. Егзекуторите останаа непознати за нас.
егзекуција | ж.
Извршување смртна пресуда. Егзекуцијата беше извршена наредната недела пред мал број присутни. Пред егзекуцијата осудениот изјави дека е среќен бидејќи завршува неговата земна агонија.
егзема | ж.
Заболување на кожата проследено со црвенило и со ситни гнојни меурчиња и најчесто со јадеж. Рацете му беа фатени од долготрајни егземи, кои ја нарушуваа естетиката.
егземплар | м.
Примерок. Тоа е убав егземплар на нашата стара градска архитектура. Има мал број егземплари од ова дело.
егземпларен | прид.
Што служи како пример.
егземплификација | ж.
Прикажување преку примери, нагледно прикажување. Егзеплификацијата на неговите ставови не беше потребна. На овие толкувања им е потребна соодветна егземплификација.
егзерцир | м.
Групно изведување на воени вежби. На полигонот беше изведен егзерцир.
егзерцира | несв.
Врши воена обука, обучува војници низ вежби. Дел од војниците егзерцираа.
егзибиционизам | м.
Склоност за јавно истакнување и претставување. Таа со својот танц прикажуваше еден вид егзибиционизам зашто сетилно ја победуваше страмежливоста.
егзибиционист | м.
Тој што е склон кон егзибиционизам.
