збрка 1 | св.
Измеша, исплетка. Мачето ми ги збрка конците.
збрка 2 | св.
Почне одеднаш да брка, да гони некого. Домаќинот се појави пред куќата и ги збрка децата.
збрка | ж.
Мешаница, недоразбирање. Голема збрка. Се направи невидена збрка околу тоа.
збркан | прид.
Што е збунет, конфузен. Збркана старица. Збркани првачиња.
збркотија | ж.
Мешаница, бркотија, бркотница. Настана голема збркотија, сите зборуваа одеднаш.
збрливи | св.
Побудали некого. Несреќната случка ја збрливи жената. Постапката на синот ги збрливи родителите.
збрложи | св.
Збуни некого. Ненадејното невреме ги збрложи луѓето.
збрмчи | св.
За инсект, машина и сл. – одеднаш ненадејно почне да брмчи. Му збрмчи бумбар негде околу цвеќињата на балконот. Моторот збрмчи покрај него.
збрца | св.
Одеднаш брцне нешто некаде. Детето несмасно го збрца прстот во растопеното чоколадо. Ја збрца раката во џебот и извади ливче.
збрчи | св.
Одеднаш ненадејно почне да брчи. Збрчеа пчели во кошницата. Се даде знакот за старт и моторите збрчеа.
