задави | св.
Усмрти некого со давење, со спречување на дишењето. Го задавиле со копринена шамија преку устата. Едно куче ја задави нашата мачка.
зададе | св.
Постави, даде некому како задача да реши нешто. Би сакал да ми одговорите на прашањата што ќе ви ги зададам. Тој набрзина ја напиша задачата што му ја зададе учителот.
Задар | м.
Приморски град во Хрватска.
задача | ж.
Определена работа што треба да се исполни, да се изврши; обврска. Беше среќен што ја исполни задачата како што треба. Нејзина задача е да ја пречека колоната и да отвори оган на неа. Тој никогаш не заборави на задачите што ги беше зел на себе.
задвижи | св.
Почне да движи; движи Надојдената вода ги задвижи воденичките камења.
задграничен | прид.
Што се наоѓа надвор од државните граници на една земја. Задгранична зона. Задгранични области. Задграничен комитет.
задгробен | прид.
Што се однесува, според религиозните верувања, на тоа што постои, што доаѓа по смртта. Задгробен живот. Задгробни суштества.
задебели | св.
Направи да биде подебел. Храната ги задебели свињите. Задебели ги малку буквите.
задева | несв.
Предизвикува некого со закачки; задира, вознемирува. Никого не задевај и никој нема да те задева.
задевојчи се | св.
Стане девојка, помине детска возраст; се. Таа се задевојчи многу рано.
