замес | м.
Народен обичај на три дена пред свадбата, во четврток рано наутро, во куќата на младоженецот да се месат две погачи: една за невестата, друга за кумата.
замеси | св.
Почне да меси; меси. Го замеси тестото со двете раце.
замет | м.
Труд, тегоба, напор. Тој му плати за заметот.
замете | св.
Измете, зачисти малку со метење. Таа набрзина го замете дворот.
заметка | св.
Зафрли, затури. Тој го заметкал некаде писмото.
заметлија | прид.
досаден, здодевен.
заметне | св.
Зафрли, затури, изгуби нешто. Тој го заметнал некаде клучот од ковчежето.
замечтае | св.
Почне да мечтае, да сонува; мечтае. Таа замечтаа за подобар живот.
замечтан | прид.
Што е занесен во мечтаење. Замечтано момче.
замеша | св.
Направи смеса од нешто, спои во една целина две или повеќе нешта. Во еден подлабок сад, таа ги замеша брашното, млекото и јајцата.
