разџагори се | св.
Почне да џагори засилено, многу гласно. Девојчињата се разџагориле, немаат срам.
разџвака се | св.
Почне да џвака засилено, гласно. Што сте се разџвакале така? Сите се разџвакале како да не виделе храна во својот живот.
разџивка се | св.
Почне да џивка засилено, многу гласно. Врапчињата се разџивкале во дворот.
рај | м.
(рел.) Прекрасно место каде што по смртта престојуваат душите на чесните и праведните. Праведните и чесните ќе се најдат во рајот. Гласници на рајот.
раја | ж.
(истор.) Немуслиманското поданичко население во Турското Царство, коешто плаќало данок. Измачена раја. Обесправена раја. Христијанска раја. Рајата од сите три вери.
рајатин | м.
Покорен, потчинет христијанин во Турското Царство. Вреден рајатин. Чесен рајатин. Се собрале ем Турци ем рајати.
рајбер | м.
Вид кука, резе за затворање врати, прозорци и сл. однатре. Вратата однатре е затворена со неколку големи рајбери. Таа ги провери рајберите на прозорците.
Рајна | ж.
Река во Германија.
рајски | прид.
Што се однесува на рај. Рајски порти. Рајски градини. Рајско јаболко.
рак 1 | м.
(зоол.) Вид водно животно, заштитено со раковина, со издолжени делови од телото ‒ краци, живее во слатка и во солена вода. Морски рак. Речен рак. Раковите имаат многу вкусно месо. Ловеа риби и фаќаа ракови.
