тонфилм | м.
Звучен филм, филм со звук.
топ 1 | м.
(воен.) Вид артилериско оружје. Противавионски топ. Опсадни топови.
топ 2 | м.
Обично цилиндрична направа од картон, пластика и сл., цевка за намотување ткаенина со определена должина (платно, свила, штоф и сл.). Еден топ еднобојна свила. Неколку топа платно.
топаз | м.
Вид минерал познат како украсен камен со жолта боја.
топал | м.
Куц човек.
топен | прид.
Што е добиен со топење. Топено сало.
топеница | ж.
Издробен сув леб, попарен со врела вода и масло и потпечен во рерна.
топи 1 | несв.
Прави нешто да прими вода, течност, натопува, наводенува. Сувите корки ги топеше во врело млеко. Тетка ми топеше крпа во чинија со оцет. Пие и ги топи мустаќите во пивото. Не топи ги ногавиците!
топи 2 | несв.
Доведува нешто од тврда во течна или полутечна состојба. Домаќинката го топи салото во казан. Топилничарите го топеа железото. Високите температури го топат снегот.
топика | ж.
Наука за редот на зборовите.
