табак 2 | м.
Тој што штави кожи, кожар. Табаците сите кожи ги прибираа в каци.
табакера | ж.
Џебна, обично метална кутија за цигари или тутун. Момчето извади цигара од својата сребрена табакера.
табаклак | м.
Кожарски занает, кожарство.
табан 1 | м.
Долната страна на стапалото со која се гази. Брзаме со босите табани по патот.
табан 2 | м.
Дебела, голема греда.
табана | ж.
Кожарска работилница.
табарина | ж.
Вид долга гуна.
табела | ж.
а) Прегледен список, приказ на податоци претставен графички обично во хоризонтални и вертикални колони, редови. б) Во спортот – приказ на учесници и на резултати од натпревар.
табеларен | прид.
Што се однесува на табела, што е прикажан во вид на табела. Табеларен преглед.
табиет | м.
Карактер, темперамент. Таков е човекот, тежок табиет. Тој од својот табиет не се откажува.
